2022(e)ko apirilakren 28(a), osteguna

Oktogonora bisita

 

Pozik gaude!!! Burbuilak desagertu dira, eta ohitura zaharrak berreskuratzen hasi gara. Patioan gaur aterpean denak elkarrekin, bereizten gaituen sokarik gabe ibili gara. Mezuak eta oharrak ematera goiko solairura igo ahal izan dugu gaur haundien gelara, arazorik gabe. Eta arratsaldean...arratsaldean oktogonoan egon gara. Egun hauetan idatzi dugun ipuin kateatuaren hasiera 2 urtekoei pasa behar genien, eta aurrez-aurre egin ahal izan dugu. Siestatik jeiki berri harrapatu ditugu. Ederra kuadrilla! Oso gustora egon gara beraiekin. Ipuinaren hasiera irakurri, marrazkia erakutsi, eta gero, meriendatzeko, madalenak eta txokolatea jan ditugu elkarrekin. 

PRIMERAN PASA DUGU!!! Zuek ere nahi duzuenean etorri guri bisita egitera, pozik hartuko zaituztegu!!!


Sakatu argazkiaren gainean gehiago ikusteko. 



 


KAIXO!!!!!!!!!

OPORRETATIK BUELTAN GARA ETA 

ASTE HAU BENETAN BEREZIA IZATEN ARI DA. GURASO ASKO ETORRI ZAIZKIGU IPUINAK KONTATZERA ETA IPUIN BEREZIAK EKARRI DIZKIGUTE, ONDO LO EGITEKO IPUINAK, EMOZIOAK KUDEATZEN LAGUNTZEN DIGUTEN IPUINAK, PIRATA ONAK NOLAKOAK DIREN ESATEN DIZKIGUTEN IPUINAK EDO ETA GURE SUPER BOTEREAK EZAGUTZEKO IPUINAK. BENETAN OSO OSO ESKERTUAK GAUDE ZUEI DENOI.

MILLA ESKER!!!!!!!!!!


BEGIRA BEGIRA!!!!!!




SAKATU ARGAZKI GEHIAGO IKUSTEKO


























































2022(e)ko apirilakren 27(a), asteazkena

Gaurkoan Esther izan dugu gurean

 

Gaur goizean, Esther, Raquelen ama, izan dugu gurean. Ipuin ederra irakurri digu, eta liburuaz gain panpinak ere ekarri dizkigu istorioa antzezteko. Gero, jolas bat proposatu digu ipuina bukatutakoan. 

Ondo prestatuta etortzen dira zuen etxeetatik: atzo argazkiak ekarri zizkigun Maitek, eta baita cow boyen musika ere. Eta gaur, Estherrek, panpinak, jolasa, marrazkiak...

ARTISTA HAUNDIAK DITUZUE ETXEAN!!! MILA-MILA ESKER, PRIMERAN PASATZEN DUGU ZUEKIN!!!




2022(e)ko apirilakren 26(a), asteartea

Eta arratsaldean, lehen bisita

 Mila esker Maite!!!

Indio eta cowboyei buruz hitz egin digu gaur Maitek, eta ondoren, ipuin zoragarri bat kontatu. 



Liburuaren astean murgilduta gaude

 Atzo eskolara itzuli, eta ... a zer astea! LIBURUAREN ASTEA!!!  

Liburuak beti ditugu oso presente gurean: gelean, mediatekan... Ipuinak, olerki eta asmakizunak idatzi eta elkarri kontatzea oso gogoko dugu. Eta aste honetan, hainbat jarduera ditugu: eskolako guztien artean ipuin-kateatua idatziko dugu, gurasoak geletara gonbidatu zaituztegu ipuinak kontatzera, eta irakasleok ere gelaz-gela ibiliko gara.


Begira honi:


Sakatu argazkiaren gainean gehiago ikusteko.

2022(e)ko apirilakren 24(a), igandea

LUISARI ESKERRAK

 

OPORRAK BUKATZEN ARI ZAIZKIGU ETA BIHAR ELKARTUKO GARA BERRIZ ESKOLAN BAINO EZ DUGU HASI NAHI LUISARI ESKERRAK EMAN GABE.

OPORRAK HARTU BAINO LEHEN GURE GELARA ETORRI ZEN EGUN BATEAN HORTZAK ETA AHOA NOLA ZAINDU BEHAR DITUGUN ERAKUSTERA.

ASKO GUSTATZEN ZAIGU GURASOAK ETORTZEN DIRENEAN GURE GELARA, BAI BERAIEN LANAK ESPLIKATZEN DIZKIGUTENEAN ETA BAI IPUINAK KONTATZERA ETORTZEN DIRENEAN...


ESKARRIKASKO LUISA

2022(e)ko apirilakren 7(a), osteguna

Adarbakar jatetxearen inaugurazioa

 

Azkenean, proiektuari bukaera emateko ordua iritsi da. Gogotsu ibili gara, eta hainbat gauza ikasi dugu.

Baina gaiari bueltaka hasi ginenean argi genuen nola emango genion bukaera: jatetxea irekiz. Eta gaur izan da eguna.

MILA MILA ESKER GAURKOA POSIBLE EGIN DUZUEN GUZTIOI: GURASO ETA FAMILIARTEKOEI EGIN DIZUEGUN GONBITEARI EMAN DIOZUEN ERANTZUNA EMATEAGATIK, LAGUNTZERA HURBILDU DIREN IRAKASLEEI, ZUZENDARITZARI GAZTE LEKUA GURE ESKU UZTEAGATIK...BAINA BATEZERE-BATEZERE ZUEI LH2KO NESKA-MUTILOI BURU BELARRI LANEAN IBILTZEAGATIK, ETA ELKARLANEAN ARITZEA ZER DEN BADAKIZUELA ARGI UZTEAGATIK. 

AUPA, ZUEK! MUNDIALAK ZARETE!!!


Hemen argazki batzuk gaur bizi izan ditugunak ez ahazteko. 

Sakatu argazkiaren gainean gehiago ikusteko.


OHARRA: ni lanean aritu naiz sukaldean eta argazki gutxi atera ahal izan dut, badakit zuek ere aitatxo, amatxo eta aiton-amona,  argazkiak ateratzen aritu zaretela. Ahal baduzue, eskertuko nizueke nire korreora bidaltzea, horrela hauei eransteko. 

MILA ESKER!!!



Zorionak, Elliot!!!

 

Aupa txapeldun!!!! Zorionak!!!!

Berandu bada ere, hementxe zure argazkiak! Gaur kandelak itzali ditugu zurekin, eta zorionak abestu ondoren, gustora ospatu dugu zurekin zure urtebetetzea bizkotxo goxoa janez. 

Bihar gure txanda da, marrazki dotoreak egingo dizkizugu opari, gaur ez dugu astirik izan eta. 

ZORIONAK!!!





2022(e)ko apirilakren 1(a), ostirala

Korrika txikirako prestatzen hasiak gara!!!

 

Datorren astean, apirilaren 8an, Korrika txikian aterako gara eskolako lagunak. Badira 3 urte ateratzen ez garela, eta gogotsu gaude. Forman gaude, eta ez dugu entrenatzeko beharrik, eta aurtengo koreografia ikasteko, hemen bideoa:



Ondo pasa asteburua!!!