Kaixo, kuadrilla!
Zer moduz lehenengo eguna kalean? Zer egin zenuten? Paseatu? Bizikletan ibili? Patinean ibili? Nola aurkitu zenuten kalea? Arraro samar? Jende gutxiago, parkeak itxita... baina gustora ibili zineten? Kontatu mesedez!!!
Ezer baino lehen, ostiraleko asmakizunaren erantzuna:
Gorria da eta ez da gerezia
gozoa da baina ez da eztia
lurrean bizi da belar artean
asma ezazu egia.
Asmatu al duzue?
Ostiralean tximeletaz aritu ginen hizketan, eta esan nizuen beste animalia bat etorri zitzaidala burura,gogoratzen? Txikia denean izen batekin, eta haundiagoa denean beste batekin ezagutzen dugun beste animalia. Ba al dakizue zein den...?
Gaur astelehena! Gehien gustatzen zitzaizkizuen ipuinak zeintzuk ziren galdetu nizuen. Batzuk zuen zerrendak bidali dizkidazue. Badago ipuin bat zerrenda batzuetan errepikatzen dena. Ipuin klasiko bat da, denek ezagutzen dugun horietakoa, zuen aiton-amonek, zuen aita eta amei kontatzen ziena, eta haiek zuei. Hemen duzue irakurtzeko.
Irakurri duzue? Abesti bat entzuten zela konturatuko zineten. GAURKO PROPOSAMENA:
Beheko bideoan sakatu, eta berriz ere abestia entzuteko aukera izango duzue. Entzuteko eta irakurtzeko. Hartu papera eta arkatza eta idaztera!!! Eta bidali mesedez, badakit geroz eta hobeto ari zaretela idazten, ikusi nahi dut.
Bihar arte!!! Ondo izan!!!
iruzkinik ez:
Argitaratu iruzkina